Құрдас қыз дедi маған мұнан бұрын:
— Сенiң көп махаббатта құмарлығың.
Ол рас, онсыз менiң тiрлiгiм жоқ,
ол жоқ болса, менiң де тынар күнiм.
Жаным жоқ дұшпанымды бұралтатын,
жайым жоқ өзге арқаға құм артатын.
Кеудем бар кең сарайдай әр кезде де,
бақытқа, болашаққа құмартатын.
Құмарлық — ермегi емес салдақының,
мен оның ең бiр кенже солдатымын.
Ол кейде жан-жүйеңдi былбыратып,
қояды бермей мүлде жанға тыным.
Себебi кейбiр қыздар шыдамды алып,
бұғағы бұлдырықша жұмарланып
тұрғанда, бiр тiл қатпай, тарпа бас сап,
келедi сүйiп алғым… құмарланып.
Құмарлық, сүйткен, досша қарап өттi,
көп қызға ықыласымды ала кеттi.
Ол менi қыз бiткенге ғашық қылып,
дон-жуан, бiр әуейi адам еттi.
Сондайда сен ерiксiз қиялдайсың,
қыз көрсең, тас болсаң да, ұяңдайсың.
Жайнақы жақсы қызды шындап сүйсең,
сен ешбiр құмарлықсыз сүйе алмайсың.
Көрдiң бе, ол болыпты қашан қайғы?
Ешкiм сыр құмарлықсыз аша алмайды.
Құмарлықсыз махаббат бiр суық мұз,
құмарлықсыз махаббат жасалмайды…
Құрдас қыз дедi маған мұнан бұрын:
— Сенiң көп махаббатта құмарлығың.
Ол рас, онсыз менiң тiрлiгiм жоқ,
ол жоқ болса, менiң де тынар күнiм.
Жаным жоқ дұшпанымды бұралтатын,
жайым жоқ өзге арқаға құм артатын.
Кеудем бар кең сарайдай әр кезде де,
бақытқа, болашаққа құмартатын.
Құмарлық — ермегi емес салдақының,
мен оның ең бiр кенже солдатымын.
Ол кейде жан-жүйеңдi былбыратып,
қояды бермей мүлде жанға тыным.
Себебi кейбiр қыздар шыдамды алып,
бұғағы бұлдырықша жұмарланып
тұрғанда, бiр тiл қатпай, тарпа бас сап,
келедi сүйiп алғым… құмарланып.
Құмарлық, сүйткен, досша қарап өттi,
көп қызға ықыласымды ала кеттi.
Ол менi қыз бiткенге ғашық қылып,
дон-жуан, бiр әуейi адам еттi.
Сондайда сен ерiксiз қиялдайсың,
қыз көрсең, тас болсаң да, ұяңдайсың.
Жайнақы жақсы қызды шындап сүйсең,
сен ешбiр құмарлықсыз сүйе алмайсың.
Көрдiң бе, ол болыпты қашан қайғы?
Ешкiм сыр құмарлықсыз аша алмайды.
Құмарлықсыз махаббат бiр суық мұз,
құмарлықсыз махаббат жасалмайды…
11.04.1963