Рубрика: Өмірбаяны

Мен Сыр бойынанмын. Мен 1946-ыншы жылғы апрель айының 3-i күнi №103  разъезде‚ темiржолшының отбасында дүниеге келгенмiн. Содан болса керек‚    қазақтың дағдылы кәсiбi малға қарағанда‚ темiрдiң жай-жапсарын жақсы бiлемiн.    Оның үстіне әкем (бiз оны — аға‚ шешемiздi — апа дейтiнбiз) Әйдiлдә әрi жырау‚ әрi  ұста‚ әрi қолының мiсекерi бар жан-жақты кiсi едi. Оның үстіне атамыз Алдамжар  ескi ақ патша мен Совет кезiнде 25 жыл бойы ел басқарып жүргенде‚ әкем  мұсылманша бiраз жерге дейiн оқыған‚ өте дiндәр кiсi болатын. Ол маған  жастайымнан “Құранның” сүрелерiнен аяттарды жаттатып‚ жатарда кәлима    қайыруға, т.б. үйреттi. Өзi үнемi: “О дүнияға барғанда‚ аллатағала бәндәдан жер  бетiндегi iсi туралы араб тiлiнде сұрайды екен. Ал бiз арабша бiлмеймiз”‚ — деп      кәдiмгiдей уайымдап отырушы едi. Содан бастап менiң бала кезде аса бiр сиқырлы  тiлдей көрiнген арабшаны‚ фарсышаны үйренсем деген арманым көкейiмнен кетпейтiн болды. Кейiннен осы екi тiлдi өз бетiммен үйренуiме‚ негiзiнен‚ сол бала кездегi жағдай себепшi болды. Әкем маған үнемi Фирдоуси‚ Саади‚ Хафиз‚ Науаи‚ Жәми‚ Мақтымкули және де басқа Шарқының шайырлары‚ олардың кiтаптары туралы әңгiме айтып отыратын. Оның үстіне бiздiң елдi ерте заманнан бермен қарай “Сыр елi — жыр елi” дейдi. Шынында да‚ бiздiң елде бiр ауыз өлең шығармайтын‚ бiр ауыз терме айтпайтын кiсiнi кездестiре қою қиын. Оның Читать далее ӨМIРБАЯНЫМ

Бегілдә Әйділдәұлы Алдамжар

(1946 — 2012)

1946 жылғы 3 сәуірде Қызылорда облысының Қармақшы ауданында туылған. ҚазҰУ-дің филология факультетін бітірген. Мерзімді баспасөзде, «Жазушы» баспасында, Қазақ телеайнасында қызмет істеген. 1976 жылдан бастап еркін шығармашылықпен айналысқан.
Оның алғашқы өлеңдері мектеп қабырғасында жүргенде-ақ, 1962 жылдан бастап баспасөзде жарияланған. «Нөсер», «Жыл мезгілдері» «Айлы түндер», «Нұр мен түнек», «Іздедім сені», «Мизам айы» атты өлең жинақтары жарық көрген.
Бегілдә Алдамжар Фирдоусидің «ШаҺнамасын» аударып, жеке кітап етіп шығарды. Ол сонымен қатар Рудаки, Хәййем, Сәәди, Хафиз, М.Салих, Шекспир, Пушкин, Лермонтов, Некрасов, Блок, Есенин, Твардовский, Евтушенко, Ахмадулина, Рождественский, Зүлфия М.Тұрсынзада, С.Капутикян және басқалардың шығармаларын тәржімәлады.
Оның «Қара нөсер», «Жықпыл» атты романдары және төрт кітаптан тұратын «Ұлы сел» роман-эпопеясы жарық көрген.
Қаламгер әбеби сын, зерттеу мақалалар жазумен және ән шығарумен айналысқан.
Бегілдә Алдамжардың шығармашылық мұрасы 25 томдық кітапқа топтастырылған.