Упрощенная HTML-версия
— Жарайды, — деп бұл батылданып алайын деп, ақ арақты басыңқырап жiберген.
Аздан кейiн қыз тағы бiр қылық шығарып:
— Сiз әзiр ашуланатын емессiз. Кәне, мен сiздi ашуландырайын, — деп, ол ақ арақ
пен шампанды араластырып, екi ыдысқа құйды.
Содан кейiнгiсi қызық. Екеуi тайраңдап билеп жүр ме қалай? Екеуi әлденеге
қомпаңдасып, неше түрлi әңгiменiң басын шалып, гуiлдесiп отыр ма қалай? Екеуi бiр
мезгiлде жақын отырысып, бiр-бiрiнiң қолдарын сипаласып отыр ма қалай? Содан
сыртқа шыққанда барып, Бәйдеш әзер дегенде есiн жиды. Түнгi салқын мең-зең боп
шығып бара жатқан басын бiрден айықтырып сала бергендей көрiндi. Дәл сол арада ол
көше жақта тұрған ақ машинаны байқап қалды. Тұманданып кете берген көзiн қайта
ашып ап, анықтап қараса... iшке отыра берген ректорды көрiп, иманы қара таяқтай
болды. Жанат оны байқар емес, ып-ыссы демi шарпи тиiп, мұның құлағына сыбырлап:
— Ендi қайда кеттiк? — дейдi.
— Бiлмейiм.
— Онда... бiзге. Тек менiң пәтерiм жоқ. Екi қыз бiрге тұрамыз.
— Мақұл.
Ақыры сонысы өзiне қиын тидi. Fылыми кеңес мұның диссертациясын бекiтпей,
жөндей түсу керек деп қайтарып бердi. Бәйдештiң маңдайынан мұздай тер шықты.
«Мә, саған ашулану?!» — деп, кабинеттен шыға бере, Жанаттың орнында отырған
басқа бiр келiншектi көрдi. Ректор Жанатты қызметтен шығарып жiберген. Содан
бастап бұл қыз-келiншекке үрке қарайтын болды. Оларға ендi жоламады. Содан бiр
жылдан соң кандидаттық диссертациясын қорғап шықты.
Ол тағы да Елекеш пен Набаттың жағдайын есiне алды. Аздан соң: «Оларда менiң
нем бар? Өздерi бiледi де», — дедi. Сосын анада емтихан кезiнде Тоқшылықты
көргенiн, оған бағасын кемiтiп қоя салғанын есiне алып, бiраз отырды. Өмiрдiң ащы-
тұщысын татып үлгермеген жас жiгiтке жасаған сол қиянатынан бiр түрлi мазасыздана
бердi. Аздан соң кәнiгi қаттылығына басып, кеуiлiнде ояна бастаған ол сезiмдi де тапап,
тұншықтырып тастады.
Жүйрiк пойыз та-та-та-та, та-та-та-талап арлап тартып келедi. Iштен көңiрсiк иiс
шығады. Плацкарт вагонға сығылыса мiнген жұрт өте көп. Бәйдеш бүйiрдегi бiр орынға
жайғасты да, терезеден көрiнiп, кейiн қарай айналып бара жатқан сары далаға енжар
көз тастаған қалпы отыра бердi.